د الناس سورې تفسیر او ژباړه

امین الدین سعیدی ـ سعید افغانی

په ټولیزه توګه د الناس سورې د آیتونو وېش: له لومړي آيت نه تر درېیم آيت پورې، الله (ج) ته د انسان د پناه وړلو څرګندوينه شوې او الله سبحانه تعالی پناه ورکوونکی دی. د سورې له څلورم آیت نه نیولې تر پایه پورې، یعني شپږم آیت پورې د بدیو بیان دی چې انسان ته اړینه ده چې له دې بدیو الله جل جلاله څخه پناه وغواړي،ترڅوله دې شر څخه ځان وژغوري او په ځانګړې توګه د دغوبدیو سرچېنه دوه ډلې انس او جن دي؛ هغه بدۍ چې موږ په «فلق» سورې کې ذکر کړي،عام دي، خو دلته له دوه ډلو انس او جن ځینې بدۍ صادریږي.