د قران او بایبل په رڼا کې عیسی ع او محمد ص

قدرت الله درمان

د کتاب د "د قرآن او بایبل په رڼا کې: عیسی (ع) او محمد (ص)"لنډه پېژندنه موږ نن د فکري جګړې، مسیحي میډیايي شکوکو، او د دیني انحرافاتو له داسې طوفانه تېرېږو، چې که حقیقت مستند او منطقي وړاندې نه شي، نو ډېر حق‌لټونکي به ګمراه شي. دا کتاب د قرآن او بایبل ترمنځ تطبیقي مطالعه ده، چې پکې د عیسی علیه السلام او محمد صلی الله علیه وسلم ریښتینی مقام، د وحې په رڼا کې روښانه شوی دی. په دې کتاب کې به ومومئ: د عیسی (ع) د نبوت، پیغام او حقیقت مستند وضاحت د محمد (ص) په اړه د بایبل بشارتونه د تحریف شوو عقایدو منطقي رد او علمي تحلیل د عیسوي-اسلامي مفاهیمو ترمنځ د اتفاق او اختلاف حدود او دا چې څنګه اوسنی عصر د دعوت یوه نوې مرحله غواړي — لیک، دلیل او برهان. دا کتاب د هغو کسانو لپاره دی چې غواړي د شکونو پر ځای یقین ولري، او د بین الادیاني حقایقو ژوره مطالعه وکړي. دا یو علمی دعوت دی، نه احساساتي خطاب.