وایي:
"ژوند د B څخه تر D پورې دی
خو د B او D تر منځ C دی؛ نو C څه شی دی؟"
ژوند د زیږون څخه تر مړینې (مرګ) پورې دی او تر منځ یې انتخاب، غوره کول او پریکړه شتون لري.
زیږون/زیږېدل = B=Birth
مرګ/مړینه = D=Death
انتخاب/غوره کول = C=Choice
ژوند د انتخابونو او پرېکړو یوه ټولګه ده، نو باید ښه ژوند وکړو!
ژوند نن دی، پرون تللی دی او سبا کېدای شي هیڅکله را نه شي.
ژوند ته کله حېران شو، ولې داسې دی؟
ژوند لکه یو روان پُل دی کله یوه خوا ځي او کله بله خوا؛ نږدې وي چې انسان یوه لور ته وغورځوي.
ژوند د یوې ونې بڼه لري په ونې څلور موسمونه راځي پسرلی، اوړی، منی او ژمی؛ د انسانانو ژوند کې هم همداسې موسمونه راځي.
ژوند یو ګل دی؛ لومړی پُڼډک کوي، بیا لږ لږ او ورو ورو غوړیږي، بیا بشپړ ګل شي او خپل بوی خوَروي؛ . . . بیا مړاوی کیږي، ورو ورو رژیږي او له منځه ځي.
ژوند یو باد دی؛ کله د ګَرد او خاورو سره وي، سترګې کې لِوېږي او ډېر بد لګیږي؛ . . . کله بیا نرم او ملایم نسیم ترې جوړ شي تَپ او ګرمۍ لېرې کوي او ډېر ښه لګیږي.
ژوند لکه یو لوَړ غر دی؛ ځينې برخې یې سمې او هوارې لارې لري تګ پرې ډېر آسانه وي؛ . . . . . خو ځینې برخې یې ناسمې، سختې او ډېرې غټې غټې تیږې لري او تلل پرې ډېر ستونزمن وي.
ژوند څه دی؟
ژوند یوه ډالۍ ده، مونږ ورته ارزښت ورکوو.
ژوند یوه زړورتیا او جرأت دی، مونږ یې ننګوو.
ژوند یو راز دی، مونږ ترې زده کړه کوو.
ژوند یوه معما ده، مونږ یې حلوو او ځواب یې پېدا کوو.
ژوند یو فرض دی، مونږ یې ادأ کوو.
ژوند یوه لوبه ده، مونږ دا لوبه کوو.
ژوند یوه مبارزه ده، مونږ ورسره مخ کیږو.
ژوند یو غم دی مونږ یې له منځه وړو.
ژوند یوه ژمنه ده، مونږ یې پوره کوو.
ژوند یو چانس دی، مونږ ترې ګټه اخلو.
ژوند ښکلی دی، مونږ یې مَنو.
زمونږ ژوند خپل ژوند دی نو باید ښه ژوند وکړو!
مننه؛ بریالي اوسئ.
لیکنه او ژباړه:
عبدالرشید “صمد نجاب”