د "ماديدي" ملي پارک؛ چېرته چې ۱۲۵۴ ډوله الوتونکي مرغان ژوند کوي
د ماديدي ملي پارک د ځمکې پر سر یو له هغو سیمو څخه ده، چې د انساني تمدن له ساحې لرې پاتې ده.
دا سیمه له طبیعي رنګارنګۍ، ښکلا او عظمت څخه ډکه ده. که تاسو په ګڼ مېشتو سیمو کې ژوند کوئ نو حتماً به د داسې آرامې سیمې په لټه کې یئ، چېرته چې ستاسو پر وړاندې هېڅ ډول خنډ نه وي. ممکن تاسو د ځنګل او غرونه ليدو ته ډېر لېوال اوسئ.
ډېری خلک علاقه لري، چې د غرونو لمنو ته ورشي، پلی مزل وکړي او یا هم د سیند له غاړو خوند واخلي.
یو له همداسې سیمو څخه د "ماديدي" ملي پارک دی، خو تر اوسه داسې تضمین نشته چې تاسو دې په یاده سیمه کې په بشپړ ډول خوندي اوسئ.
موقعيت
د ماديدي ملي پارک په بوليوي هېواد کې موقعيت لري. دا پارک په "۱۹۹۵م" کال کې تأسيس شوی دی، چې "۱۸۹۵۸" کيلو متر مربع مساحت لري.
دا چې یاده سیمه د بشر له لاسوهنو لرې پاتې ده، له همدې ګڼ شمېر پوهان او څېړونکي غواړي، چې یادې سیمې د څېړنو لپاره ورشي تر څو د حېواناتو او نباتاتو بېلابېل ډولونو معلوم او څېړنې پرې ترسره کړي.
که څه هم یاده سیمه د طبیعي مناظرو له کبله بې مثاله ده، خو بیا هم یوه ننګونه شته چې تاسو ددې سیمې له ليدو خوند نه شې اخیستی.
ددې پارک تقریبا هر څه يو ډول زهري دي او همدا چاره ددې سبب کېږي، چې انسان فلج کړي او یا یې ووژني. له دې کبله یوازې د پارک له ځينو برخو ليدل قانوني دي. څېړونکي وايي چې تقریباً ۱۲۵۴ ډوله مرغان او ۴۹۶ ډوله کبان په یاد پارک کې موندل کېږي.