افسانه(قسم او دوزخ)# ليک محمد الياس الياس ملاکنڈ
(قسم او دوزخ)
هسي خو د امير عالم پلار سيد عالم حاجي صيب د شکل نه ډير ښه انسان ښکاريدو - ټوله ورځ به په جمات کښې ناست وو مونځونه او نفلونه به يې کوله او د اللّٰه نه به يې سوال او زاري کوله چي خدايه ما اوبخښے. او په ژړا به شو
يوه ورځ تري د بر کلي فقير ګل تپوس اوکړو چي بابا ته اکثر په دعا کښې په ژړا شے چي دا ولي؟
سيد عالم حاجي صيب ورته اووئيل چي بچيه ما د ابراھيم خان په ډيران باندي په ناحقه قسم خوړلے دے او د ھغے په بدل کښې راته د ډيران دا زمکه ميلاؤ شوي ده
فقير ګل ورته اووے چي حاجي صيب ژاړه مه ستا خبره خو ډيره اسانه ده او شکر دے چې اوس درله عقل راغے لاړ شه او د ابراهيم خان ته خپله زمکه هم واپس کړه او معافي تري هم اوغواړه . ځکه چي هغه لا ژوندے دے مسله به دي حل شي
سيد عالم حاجي صيب فقير ګل ته اووے ... بچيه دا ته څه ګډي وډي وائے . په دے زمکه خو ما قسم خوړلے دے او د قسم نهپس مي تر دے دمه خوړلي ده اوس يې ورته څنګه واپس کړم !!!
البته د ابراهيم خان پسي به ورشم او معافي به تري اوغواړم
فقير ګل چي دا واوريده نو مسکے شو او د سيد عالم حاجي صيب نه يې د تلو رخصت واخستو. سيد عالم حاجي صيب دفقير ګل سره د پهمخه کولو نه پس نيغ د ابراهيم خان پسي د ھغوي کور ته ورغلے -د ورتلو سره يې ورته اووے چي د مرګ او ژوند هيڅ پته نه لګي ما ستا په زمکه په ناحقه قسم خوړلے دے ما معاف کړه.
ابراهيم خان ورته اووے تا ډير زياتے کړے وو په دروغه دي زما په زمکه قسم خوړلے وو وژلے مي نه شوے ځکه چي د يو انسان قتل دپوره انسانيت قتل دے. په دغه وجه مي د زمکي نه زړه صبر کړے وو.. خو د قيامت په ورځ مي زمه وار ئے زه تا نه بخښم-
سيد عالم حاجي صيب چي د ابراهيم خان دا خبره واوريده نو غلے شان پاڅيدو او په زړه کښې يې دا فيصله اوکړه چي زمکه ورته ولي واپس کړم .. بس چي زه مړ شم نو کيدے شي ابراهيم خان راته بخښانه اوکړي
سيد عالم حاجي صيب په دغه سوچونو کښې وو او لا خپل کور ته رسيدلے هم نه وو چي دجمات په لاؤډ سپيکر کښې اعلان اوشو چي ابراهيم خان وفات شو جنازه به يې سبا سحر اته بجے د بر کلي په جنازګاه کښې ادا کيږې.
سيد عالم حاجي صيب اوس هم جومات ته ځي راځي مونځونه هم کوي او دخدائ پاک نه سوال هم کوي چي خدايه ما اوبخښے .. خو کله کله چي په جومات کښې فقير ګل اوويني نو زر ورته د ابراهيم خان خبره رایاده شي چي ما نه ئے بخښلے او بيا په ژړا شي .
نن راته فقير ګل ټيليفون اوکړو چي سيد عالم حاجي صيب هم تيره کړه خدائ خبر چي په قبر کښې به يې څه حال وي . ځکه چي د انسان حق صرف انسان معاف کولے شي او ابراهيم خان ورته د مرګ نه مخکښې ووئيلي وو چي تا ډير زياتے کړے وو په دروغه دي زما په زمکه قسم خوړلے وو وژلے مي نه شوے ځکه چي د يو انسان قتل دپوره انسانيت قتل دے. په دغه وجه مي د زمکي نه زړه صبر کړے وو.. خو د قيامت په ورځ مي زمه وار ئے زه تا نه بخښم-
#الياس
