مس عینک معدن (کان)
لیکنه: شکېبا نادري، د مس عینک معدن(کان)
زموږ ګران هېواد افغانستان د قیمتي ډبرو، معدنونو، سرو زرو او داسې نورو شتمنیو هغه زېرمه ده، چې که د افغانستان خلک د دې ملي شتمنیو په کشفولو بریالي شي نو زموږ هېواد به د نړۍ په کچه تر ټولو شتمن هېواد شي، چې یوه له دې با ارزښته زېرمو څخه د لوګر ولایت د مس عینک زېرمه ده چې د نړۍ له غوره مس لرونکو څخه یوه ده.
چې په دې لیکنه کې مو ورباندې خبرې کړي دي که تاسو هم غواړئ د خپل ګران هېواد افغانستان د دې اړینې زېرمې په اړه معلومات تر لاسه کړئ، نو زموږ لیکنه تر پایه ولولئ!
لوګر ولایت چې د کابل د سوېل لودیځ په شپېته کیلو مېټرۍ کې پروت دی، دا ولایت د افغانستان له کوچنیو ولایتونو څخه دی چې له وردک، غزني، ننګرهار، او پکتیا ولایتونو سره ګډه پوله لري ډېری خلک یې پښتانه دي، دا هغه ولایت دی چې د افغانستان تر ټولو لوی او اړین معدن پکې شتون لري.
مس عینک معدن د لوګر ولایت د محمد اغې ولسوالۍ د عینک په سیمه کې موقعیت لري، دا معدن د افغانستان په کچه تر ټولو لوی معدن دی او د نړۍ په کچه دویم معدن حسابېږي، د نړۍ په کچه لومړی معدن د شیلي اسکونډیډا معدن دی.
څېړونکي وایي چې د دغه معدن ټوله زېرمه دیارلس میلیونه ټنه ده.
په لوګر کې ډېر لرغوني اثار شته چې ډېره مخینه لري، لکه هغه اثار چې له مس عینک څخه لاس ته راغلي دي چې مخینه یې له لومړۍ پېړۍ پیل او تر اتمې میلادي پېړې پورې رسېږي.
د مس عینک تاریخچه
څېړونو ښودلې ده چې دا معدن له اسلام څخه مخکې هم شته و، دا معدن د لومړي ځل لپاره په ۱۹۷۳ کې کشف شو او په ۱۹۷۴ کال کې د دې معدن د را ایستلو کار په رسمي توګه پیل شو.
په ۲۰۰۷م کې د دغه معدن د لګښت لومړی تړون لیک د افغانستان له خوا د چین MCC کمپنۍ سره لاسلیک شو.
سربېر پر دې سیمه د افغانستان په هرې برخې کې بېلابېل معدنونه او اثار شته دي چې ساتنه او لاسته راوړنه یې یوازې زموږ افغانانو حق دی.
