د دوکتورا د غوښتتلیک برابرولو لړۍ
د .Ph.D د غوښتنلیک برابرولو لړۍ: (۴)
تر استاد / پروفیسور پیدا کولو وروسته، له غوښتنلیک ورکوونکي د تحقیق د موضوع او پروپوزل په اړه پوښتل کیږي. په دې برخه کښې تاسې کولای شئ په خپله یو پروپوزل مخکې له مخکې ولیکی او بیا یې له استادانو سره شریک کړی. او یا هم د استاد له موافقې او د هغه سره په مشورې د موضوع تر ټاکلو وروسته په پروپوزل لیکلو کار شروع کړئ. په یاد ولرئ چې دا کار وخت ته اړتیا لري او تاسې باید په وخت پرې پیل وکړئ او یا هم باید ځینې موضوع ګانې درسره په فکر کې ولرئ چې بیا وروسته د هغه په اړه پروپوزل ولیکلی شئ.
که چیرې تاسې، پروپوزل مخکې له دې چې د استاد سره خبرې او موافقه کړې وي لیکلی وي نو باید ښه متوجه اوسئ چې هغه استاد سره خبرې پیل کړئ چې د موضوع اړوند څیړنه او کار یې کړې وي. که نه ستاسو د رد احتمال ډیر دی او کیدای شی استاد ستاسو موضوع خوښه نکړي. نو دا وخت به تاسو یا له سره پروپوزل لیکئ او یا به په بل استاد پسې ګرځئ. زما مشوره تاسو ته دا ده چې تر ټولو لومړی استاد پیدا کړئ، له هغه سره خپلې موضوع ګانې شریکې کړئ او یا له هغه وغواړی د موضوع په ټاکلو کښې مرسته درسره وکړي. بیا د پروپوزل په لیکلو کار شروع کړئ.
د پروپوزل لیکل لومړی استاد او بورس ورکوونکي ته ستاسو وړتیا څرګندوي او تاسو باید خپل اعظمی کوشش وکړئ چې ستاسو طرحه د ډیرو نورو پروپوزلونو په منځ کښې لوړې نومرې واخلي او ومنل شي.
د دې لپاره چې تاسو ته پروپوزل لیکل اسانه شي او پوه شئ چې د هره برخه یې کوم معیارونه لري په https://bit.ly/2ZsUBqb لېنک کې د مقالې د لوستلو سپارښتنه کوم. همدارنګه تاسو کولای شئ ، د ډیرو پروپوزلونو نمومې د ګوګل په مرسته له انترنت څخه پیدا کړئ. خو پام مو وي چې له کاپي کولو څخه ډډه وکړي ځکه اوس دیری وخت پروپوزلونه د کمپیوټر په سافت ویرونو ارزول کیږي او ډیر زر کاپي او نقلي په کښې پیژندل کیږي. تر کاپی او تکراري پروپوزل غوره ده چې ستاسې پروپوزل لږ څه اشتباهات ولري.
دا لړۍ ادامه لري.
https://twitter.com/assemmayar1